自設專屬數碼羅庚
羅庚各層資料，可以跟手機指南針轉動
說明
自設專屬數碼羅庚：先天後天八卦、二十四山（正針、中針、縫針）、三元龍同度數，可以跟手機指南針轉動，揀唔同款式。
- 紅色十字線（天心十道）頂端指住嘅就係向首；羅庚盤面會隨度數轉動。
- 二十四山紅字為陽、黑字為陰。人盤中針比地盤正針逆時針偏 7.5°，天盤縫針順時針偏 7.5°。
- 手機指南針會受金屬、電器同磁場影響，正式量度請以實物羅庚為準。
- 自設層次：揀你要用嘅層，再用 ↑↓ 排內外次序；揀咗嘅層平分成個羅庚（一層佔 100%，兩層各佔 50%，如此類推）。
- 層數多、字細嘅時候，撳「放大鏡」，手指按住羅庚移動就可以睇清楚。
- 組合可以命名儲存。測試期間存喺你部裝置；正式推出後要登入會員，存入個人檔案。
- 更多層次（例如穿山七十二龍、六十四卦、分金、二十八宿）稍後加入。