解甲辰年劉業強為香港求得車公靈簽第十五簽：中籤

劉業強為香港求得
車公靈簽 第十五籤：中籤

簽文：斧斤持以入山林，未得之時那處尋；損了良材失卻力，勸君留住待春臨。

籤解：（政府）持斧頭入山（樹）林，想做咩啊，當然係搵好既木材啦。但係未搵到，唯有四處搵。

搵到既時候劈傷個靚木（材）又劈崩個斧頭，（車公）勸你唔好劈啦，下次再嚟過啦（收手啦喂）！

籤文配此情此境有以下解讀

1. 政府今年有大動作，本意係好（搵良材）：

可以係因為身份係樵夫要交差，
亦可以係因為求生而劈木（如無木材凍死或餓死，因木可建屋或生火而取暖）,
亦有機會無事搵事做（未準備好就沖入樹林劈木）

第二句指未搵到目標，
亦可指無做足功課就入樹林，
亦可指無能力發現良材（呢個材指木材，當然亦指人才或者好既機會啦。），皆因就算搵舊靚木都要好多學問的

第三句
損了良材失卻力。呢句精彩。
人去劈木，劈木損了良材自己又無力可以點解呢？

1. 呢個劈木人（身份不一定係樵夫，第一句解左）至少終於搵到良材，但係能力不足（唔夠力；無技巧；無經驗等等）。大家都知，唔夠力劈到舊木一岩一忽，舊木由靚木都比你劈到變爛木；
2. 斧頭唔夠好。所謂工欲善其事，必先利其器！人夠力，木夠好，斧頭唔好一樣大獲！斧頭代指手法，方法，思維！
3. 良材太硬淨，力又唔夠，技巧又無，方法又諗唔到，格硬嚟！

深層意思就係
未劈落去仲有得救
咪搞咁多野啊你